Hlutverk lögreglunnar

Það kom í ljós í vetur að lögreglan getur ekki varið ríkisstjórn eða þing ef almenningur er kominn jafnalvarlega upp á móti henni eins og þá gerðist. Enda á það ekki að vera hlutverk lögreglunnar að fást við slíkt. Og við eigum ekki að eiga neins konar lið sem getur staðið í þess háttar.

Lögreglumenn í búsáhaldabyltingu?

Hvenær verður hætt að skipa einkynja nefndir?

Hver skipaði þessa nefnd? Stjórnarflokkarnir? Alþingi??? Þessir lögfræðingar, sem í nefndinni sitja, þeir sem ég kannast við, eru mætir menn - en hvenær og hvenær ekki má gleyma þeirri stefnu að hætta að skipa einkynja nefndir?

Álit brátt kynnt fulltrúum samninganefndanna

Hið ótrúlega að gerast?

Ef það er rétt að samkomulagi náðst um fyrirvara við Icesave er það ótrúlegt miðað við þann alvarlega ágreining sem hefur verið í samfélaginu, jafnt á þinginu sem annars staðar. Vissulega verður ég að fá að sjá það, svart á hvítu, að sé komið samkomulag til að trúa því, eftir það sem á undan er gengið. En það bannar mér ekki að tjá bjartsýni mína og von.

Sátt að nást um Icesave

Verður áfram leynimakk með orkuverðið?

Hörður segist ekki munu breyta stefnu Landsvirkjunar. Eitt af því sem er óþolandi er leyndarmakkið með orkuverðið til stóriðjunnar.

Draumastarf fyrir minn bakgrunn

Fórnað af því að of fáir þekkja til?

Skyldi það vera þannig að Gjástykki verði fórnað af því að fáir þekkja það, svipað og með Kárahnjúkasvæðið og landið sem fór undir lónið? Sjá frábært blogg Friðriks Dags og myndir frá Kjartani.

Vilja friðlýsa Gjástykki

Friðlýsum Gjástykki - röskum því ekki með borunum

SUNN, Samtök um náttúruvernd á Norðurlandi, vilja að Gjástykki í Þingeyjarsýslu verði verndað fyrir hvers konar raski.

Gjástykki er ásamt svæðinu í kringum Leirhnjúk vestan Kröflu sennilega það svæði í heiminum á þurru landi sem best sýnir hvernig landreksflekarnir færast í sundur. Landrekskenningin sannaðist þarna fyrir augum okkar á 8. og 9. áratug síðustu aldar og allt var vel skoðað og skráð. Á þessum slóðum eru aðstæður til fræðslu og náttúruupplifunar sem hvergi gefast annars staðar og í því felast mikil tækifæri, bæði andleg og efnaleg. Þegar málefni Gjástykkis eru skoðuð í víðu samhengi er ljóst að verðmæti svæðisins er afar mikið og í þeirri orku sem þar kann að vera tæknilega nýtanleg felst minnstur hluti þeirra verðmæta. Auðlegð svæðisins er fólgin í ímynd þess fyrir Ísland, fræðslugildi þess fyrir Ísland og umheiminn og því að þar eru óhemjumiklir möguleikar fyrir útivist og ferðaþjónustu, t.d. í gönguferðum milli Jökulsárgljúfra í Vatnajökulsþjóðgarði og Mývatns. Allt rask, þar með taldar rannsóknarboranir, ógnar þessu gildi og rýrir ímynd og gæði. Stjórnvöld, þar á meðal sveitarfélög í héraðinu, ættu því að berjast fyrir uppbyggingu eldfjallafræðagarðs í Gjástykki og við Leirhnjúk.

SUNN lýsa af ofangreindum ástæðum andstöðu við rannsóknarboranir í Gjástykki sem nú eru í matsferli vegna umhverfisáhrifa. Vissulega var það áfangi á sínum tíma að hafa fengið í gegn að ekki mætti bora í Gjástykki í rannsóknarskyni nema að undangengnu mati á umhverfisáhrifum. Þess háttar boranir kosta hins vegar sitt og það er auðvitað öllum ljóst að virkjunaraðili fer ekki út í þær nema að ætla sér að virkja. Við sem viljum vernda Gjástykki viljum ekkert rask þar og teljum að kostnaður við rannsóknarboranir sé óásættanlegur ef þar verður svo aldrei virkjað. Slíkur kostnaður er svo sem aldrei ásættanlegur - en núna er íslenska ríkið stórskuldugt og Landsvirkjun líka.

Af sömu ástæðum lýsa SUNN yfir andstöðu við hvers konar breytingar á skipulagi, svo sem aðalskipulagi sveitarfélaga eða skipulagi miðhálendisins, sem heimila orkuvinnslu í Gjástykki.

Friðlýsing Gjástykkis er forsenda þess að gæði svæðisins verði ekki skert. SUNN, Samtök um náttúruvernd á Norðurlandi nota tækifærið og beina því til ráðherra umhverfismála að hefjast þegar handa við undirbúning friðlýsingar svo tryggja megi eftir föngum að svæðið verði lyftistöng fyrir Ísland í samræmi við þáær einstöku aðstæður sem þar eru fyrir hendi.

Stjórn SUNN í ágúst 2009

Varnarmálastofnun er óþörf

Varnarmálastofnun átti aldrei að verða til né að gera samninga um "loftrýmiseftirlit" við aðrar þjóðir og kosta fjármunum til þess. Var það svo ekki þannig að þeir sem það höfðu tekið að sér var svo ekki treyst eftir að Bretar beittu hryðjuverkalögunum. En á hinn bóginn er það leiðinlegt ef eitthvert sukk hefur átt sér stað í Varnarmálastofnun; niðurlagning hennar á að vera pólitísk ákvörðun en ekki byggð á áliti frá Ríkisendurskoðun um meðferð fjármuna.

Ríkisendurskoðun fer yfir innkaup Varnarmálastofnunar

Banna fjölmiðlaumfjöllun?

Björgólfur Thor segir í yfirlýsingu sem er birt í Mogganum í gær: "Þá hef ég óskað eftir því við lögmann minn að hann kanni stöðu mína í því flóði skipulagðs óhróðurs, véfrétta og lyga sem vef- og fjölmiðlar á Íslandi hafa tekið að sér að dreifa um mig og fyrirtæki mín." Mér er spurn: Hver skipuleggur þenna meinta óhróður? Vill hann ekki að vefmiðlar og aðrir fjölmiðlar heimili fólki að segja skoðun sína á framferði þeirra auðmanna sem komu Íslandi á kaldan klaka? Björgólfur Thor verður vonandi dæmdur fyrir glæpi á eðlilegan hátt fyrir dómstólum, hafi hann framið þá, en hann sleppur ekki undan áliti almennings á framferði, lögmætu, ólögmætu, siðlegu, ósiðlegu, með því að óska eftir ritskoðun. 

Stjórnarandstaðan og vinnufriðurinn

Ég man vel eftir því í október til janúar kvartaði fv. ríkisstjórn hástöfum undan því að hafa ekki vinnufrið til aðgerða. En nú ber svo við að Sjálfstæðisflokkurinn, forystuflokkur fv. ríkisstjórnar, dregur lappirnar.

Auðvitað á að íhuga Icesave-málið vel og ekki setja það á hraðferð í gegnum þingið. En meðan þjarkað er um það er hætt við að önnur mál tefjist sem þingið þarf að taka til meðferðar. Því er ég smeykur um að það sé réttast að fara að afgreiða Icesave.

Hlé gert á störfum þingsins

Evrópusinnar = Evrópusambandssinnar??

Ég held að það sé blaðamaðurinn sem var að rugla því að "Evrópusinni" er allt, allt annað en Evrópusambandssinni. Það er nefnilega hægt að vera andstæðingur andlýðræðislegra, kapítalískra samtaka eins og ESB eða NATÓ en um leið alþjóðasinni. Ég óttast að nú muni einangrunarstefnu vaxa fiskur um hrygg í baráttunni gegn ESB-aðild, því að þótt ESB sé um margt ólýðræðislegur félagsskapur er einangrunarstefna fremur háskaleg, mun háskalegri.

Evrópusinnar ættu að hafa áhyggjur

Bíðið við, ekkert gagn af formennsku Svía?

Bíðið nú hæg - ég er búinn að heyra um í allt vor af hálfu ýmissa Evrópusambandssinna að það sé svo mikilvægt að koma aðildarumsókn til sambandsins meðan Svíar fara með forystuna, en sver Reinfeldt það af sér, þetta sé staðlað ferli. Er þetta fyrsta blekkingin af þeirri hálfu sem kemur í ljós? Ekki einu sinni hálfum degi eftir samþykkt Alþingis. Skamm!

Umsókn metin á staðlaðan hátt

Sannfæring vinstri grænna og Birgir Ármannsson

Það ótrúlega gerðist að mér blöskraði þegar ég heyrði Birgi Ármannsson gera grein fyrir atkvæði sínu í dag. Honum var greinilega mikið niðri fyrir um meintar væringar innan vinstri grænna, og forseti þings þurfti að slá allhressilega í bjölluna og minna hann á að hann var í ræðustól til að gera grein fyrir atkvæði sínu en ekki til að segja ljótt.

Ég held að andstæðingum flokks okkar verði samt ekki kápan úr því klæðinu í þeirri ósk sinni að flokkurinn klofni. Aðildarumsóknin er erfitt verkefni og nú er ekki um að annað að velja en að reyna að ná sem bestum samningi. Ég er hóflega bjartsýnn.

Fjölþætt sannfæring

Friðum Gjástykki!

Umhverfisverndarsamtök vilja að Gjástykki verði verndað fyrir hvers konar raski vegna þess að þessi staður hefur mikið náttúruverndargildi þar sem hann er einn þeirra staða í heiminum þar sem best sést hvernig landrek birtist, sjá m.a. færslu um Gjástykki frá 2008 og færslu frá 2007. Ástæða er til að skora á umhverfisráðherra að huga að friðlýsingu Gjástykkis.

Vissulega er það áfangi að hafa fengið það í gegn að ekki megi bora í rannsóknarskyni þar nema að undangengnu mati á umhverfisáhrifum. Rannsóknarboranir kosta hins vegar sitt og það er auðvitað hverjum manni ljóst að virkjunaraðilar fara ekki út í þær nema þeir ætli sér að virkja. Við sem viljum vernda Gjástykki viljum ekkert rask þar og teljum að kostnaður við rannsóknarboranir sé óásættanlegur ef þar verður svo aldrei virkjað. Slíkur kostnaður er svo sem aldrei ásættanlegur - en núna er íslenska ríkið stórskuldugt og Landsvirkjun líka. Rannsóknarborunum sem leiða til þeirra niðurstöðu að þar sé vinnanleg orka og síðan er ekki virkjað má auðvitað líkja við bjölluat, hina frægu líkingu Jóns Bjarnasonar landbúnaðar- og sjávarútvegsráðherra, um umsókn um aðild að Evrópusambandinu sé eins og hvert annað bjölluat af hálfu þeirra sem eru fyrir fram á móti aðildinni.

Leita umsagna um rannsóknarboranir í Gjástykki

Menntun drengja - samanburður á Ástralíu og Íslandi

Nýverið birtist í tímaritinu Scandinavian Journal of Educational Research greinin Possibilities in the Boy Turn? Comparative Lessons from Australia and Iceland eftir Ingólf Ásgeir Jóhannesson, prófessor við Háskólann á Akureyri, og Bob Lingard og Martin Mills, prófessora við Queensland-háskóla.

Í greininni er rætt hvernig hin alþjóðlega orðræða um að drengir dragist aftur úr breiðist út um hinn iðnvædda heim og hvernig þessi orðræða hefur tilhneigingu til að vera hluti af andfemínískri hreyfingu. Þótt grunnurinn sé sambærilegur hefur þessi orðræða birst með nokkuð ólíkum hætti í löndunum tveimur. Í Ástralíu hafði verið rekin nokkuð sterk femínísk menntaumbótastefna sem andstæðingunum þótti hafa haft slæm áhrif á stöðu drengja og í kjölfarið voru gerðar skýrslur um meinta slæma stöðu drengja og mikil umfjöllun var í fjölmiðlum. Á Íslandi voru andstæðurnar minni en þó hafa verið haldnar ráðstefnur um menntun drengja þar sem áhyggjur hafa verið látnar í ljós yfir stöðu þeirra, ekki síst eftir að ljós kom í PISA-rannsókninni 2003 að Íslands var eina landið í heiminum þar sem stúlkur stóðu sig betur en drengir á öllum sviðum stærðfræðinnar. Höfundar greinarinnar fagna umræðum um stöðu drengja en gagnrýna réttmæti þess að stilla árangri drengja og stúlkna upp sem andstæðum. Þeir leggja áherslu á nýja femíníska menntastefnu sem þeir telja nauðsynlegt svar við drengjaorðræðunni. Í henni felst gagnrýnin afstaða til hefðbundinnar karlmennsku og kröfur um að skólar verði virkir þátttakendur í skapa kynjaréttlátt samfélag. Scandinavian Journal of Educational Research, 53. árgangur, 4. hefti, bls. 309-325 DOI: 10.1080/00313830903043083  

Útdráttur (abstract) á ensku: Recognising that there is now a globalised educational discourse about "failing boys" circulating in the privileged nations of the global north, this article provides a comparative perspective on educational policy responses to the "boy turn" in Australia and Iceland. Specificities of the responses to the boy turn in the two societies offer interesting insights into this policy domain. For instance, Australian policy has been state-centric with the media playing a significant role in backlash politics and with federal government funding interventions for boys, and Iceland was the only nation in which girls outperformed boys in all areas of mathematics in the PISA 2003 study. The article concludes by arguing the need for a renewed feminist and profeminist agenda to challenge dominant constructions of masculinity and for the establishment of a more equal gender order.

Pepsí eða kók?

Sagan segir að á pepsístyrktu ferðalagi Jacksons nokkrum árum síðar hafi hann þurft að hætta við tónleika vegna ofþornunar (dehydration) Það var þá sem kók auglýsti: "Dehydrated? There is always coce!"

Myndband af hárbruna Jackson