Menntakvika, rannsóknir, nýbreytni og þróun

Árleg ráðstefna Menntavísindasviðs Háskóla Íslands verður haldin í húsnæði Menntavísindasviðs v/Stakkahlíð þann 5. október 2012 undir heitinu Menntakvika: rannsóknir, nýbreytni og þróun. Megintilgangur ráðstefnunnar er að skapa mennta- og uppeldisstéttum vettvang til að kynnast nýbreytni í rannsókna og þróunarstarfi sem unnið er í skólum landsins og innan háskólaumhverfisins. Ráðstefnan er nú haldin í 15. sinn. http://vefsetur.hi.is/menntakvika/

Er til ófullkominn trúnaðarbrestur?

Ég var að hlusta á fréttir og fór að velta því fyrir mér hvaða munur væri á fullkomnum trúnaðarbresti og trúnaðarbresti. Þetta kemur til af orðum formanns fjárlaganefndar um "fullkominn trúnaðarbrest" sem reyndar, að mínu mati, óorðheppinn fréttamaður Ríkisútvarpsins lagði honum í munn. Er þá til ófullkominn trúnaðarbrestur? (Ég myndi líklega nota lýsingarorðið "alger" ef mér fyndist að það þyrfti að útskýra orðið trúnaðarbrestur eitthvað meira en orðið felur í sér.)

Eru þeir að fela eitthvað eða gefa langt nef?

Ég spyr hverjum í ósköpunum hafi dottið í hug að frambjóðendur Sjálfstæðisflokksins myndu skila upplýsingum um hver jós í þá peningum. En svo er spurning hvort þeir séu engin sérstök hagsmunatengsl að fela  heldur viljandi að virða að vettugi reglur sem eiga að stuðla að betra siðferði í stjórnmálum og meira gagnsæi um hverjir styðja þá fjárhagslega. Ég held að það sé hvorttveggja!