Verktakalýðræði

Það er verktakalýðræði en hvorki íbúalýðræði, fulltrúalýðræði né nokkurs konar almennt lýðræði ef verktaki fær að gera það sem honum hentar á lóð, sama þótt verktakinn eigi lóðina. Almennir bæjarbúar þurfa að sækja um leyfi til að byggja við húsið sitt eða byggja ofan á húsið sitt, jafnvel einn kvist. Sumt af þessu þarf í grenndarkynningu til að íbúum í nágrenninu gefist kostur á að gera athugasemdir.

Vandinn við verktakalýðræðið er að einn verktaki eða lóðareigandi hefur yfirleitt ekki heildarsýn heldur sér hagsmuni sína, oft til skamms tíma. Þess vegna ráðum við til starfa fólk sem hefur þekkingu á skipulagi og þróun byggðar og þess er freistað að sjá lengra fram tímann með heildarhagsmuni í huga. Margt af því sem hefur verið framkvæmt á höfuðborgarsvæðinu og alls ekkert síður á Akureyri er þessu marki brennt. Þess vegna var t.d. líka efnt til samkeppni um þróun miðbæjar Akureyrar og þótt sumt af því sem hefur verið lagt til í kjölfar þess sé misjafnlega gott var samkeppnin af hinu góða því að þar voru settar fram skemmtilegar tillögur sem gafst kostur á að ræða.

Sár í borgarmyndinni

Athugasemdir

[Guðríður Adda Ragnarsdóttir 14.9.2009 kl. 14:03]

Hvað varð um starf vinnuhóps á vegum Skipulagsráðs Reykjavíkur

um borgar- og  húsverndarstefnu sem væri lögformlegt plagg,

og órjúfanlegur hluti aðalskipulags borgarinnar? 

[Skorrdal 14.9.2009 kl. 14:34]

Það er EKKERT lýðræði á Íslandi - vonandi ertu búinn að fatta það, Ingólfur. Aðeins lýðræðisrán, sem hefur átt sér stað frá því 1944.

[Ingólfur Ásgeir Jóhannesson, 14.9.2009 kl. 16:49]

takk fyrir innlitið, Adda og Skorrdal