Jóhanna útgjalda- og skattahækkunarmanneskja

Geir Haarde fráfarandi forsætisráðherra, tuttugasti mest ábyrgi einstaklingurinn fyrir ástandi efnahagsmála í heiminum, finnur að því að Jóhanna Sigurðardóttir sé forsætisráðherraefni Samfylkingarinnar því að hún sé fyrir útgjöld og skattahækkanir. Í þessari yfirlýsingu Geirs felst vitanlega talsvert "heilbrigðisvottorð" fyrir Jóhönnu: Í því ástandi sem nú ríkir er útilokað annað en við þurfum að leggja meira fram til samfélagsins til þess að ríki og sveitarfélög geti varið velferðina í landinu hvort heldur það eru fjármál til húsnæðis eða almannatryggingar, menntun og heilbrigðismál. Sérstaklega ef við erum aflögufær með sæmileg laun eða eignir.

Stjórnarsamstarfi lokið

Athugasemdir

[hilmar jónsson, 27.1.2009 kl. 01:53]

Mjög góður punktur hjá þér. Ansi írónískt.

[Margrét Rósa 27.1.2009 kl. 09:18]

Sæll Ingólfur. Ég er sammála þér.

Þarna lýsti Geir í hnotskurn efnahagsstefnu síns flokks: Skera skal niður opinbera kerfið og láta atvinnulífið reka stofnanir velferðarkerfisins. "Að betur sé hugsað um eigið fé en annarra" var sagt. Og við sjáum nú hvernig þeim tókst það!

[Rut Sumarliðadóttir, 27.1.2009 kl. 11:27]

Auðvitað, hún vildi ekki skera niður í félagsmálum, hann vildi ekki hátekjuskatt. Nú eru bendingarnar hafnar.

[Hlédís, 27.1.2009 kl. 11:34]

Eitt er að eyða í vitleysu , annað að stöfna nauðsynlegan bjargráðasjóð og nota hann af skynsemi og réttsýni.

[Ingólfur Ásgeir Jóhannesson, 27.1.2009 kl. 17:15]

Sæl Hilmar, Margrét Rósa, Rut og Hlédís: Takk fyrir innlit og athugasemdir.

Margrét Rósa: Langt síðan ég hef hitt þig