Minni pappír til að aka á brott

Nú get ég ekki sagt að ég gleðjist því að dagblað þurfi að fækka útgáfudögum sínum - og stafar það af því að fækkun dagblaða er ekki æskileg lýðræðinu. Ekki að Fréttablaðið sé neitt sérstaklega gott blað eða ómissandi, þótt þar vinni margir góðir blaðamenn og aðstoðarritstjórinn, sem upplýsingar í fréttinni eru hafðar eftir, skrifi oft skelegga leiðara. En að mörgu væri eftirsjá ef blaðið legði upp laupana eins og 24 stundir í haust.

Hinu má gleðjast yfir ef fyrirtækið 365 miðlar hættir að bera, óumbeðið, mikið magn af pappír inn á heimili landsins svo sem eins og einn eða tvo daga í viku. Þannig má fækka í sama hlutfalli, vona ég, ökuferðum út að næsta dagblaðagámi.

Til umræðu að fækka útgáfudögum

Athugasemdir

[Anna Ragna Alexandersdóttir, 13.1.2009 kl. 03:22]

Það mætti skrifa um auðan stól. D listinn.

Háskólabíó 12 jan 2009 frétt dagsins.

[Ingólfur Ásgeir Jóhannesson, 14.1.2009 kl. 17:37]

Takk fyrir innlitið, Anna Ragna - þurfti að fletta upp blogginu þínu til að skilja þetta með auða stólinn