Að senda "á"!

Mér er daglega hótað! Mörgum sinnum á dag! Að vísu ekki viljandi og alls ekki meint þannig; mér er nefnilega "lofað" því að tölvupóstur verði sendur "á" mig þegar ég myndi fremur telja að það ætti að senda póstinn "til mín" eða "senda mér" póstinn. "Að senda á" minnir mig á að draugur hafi verið vakinn upp - og þótt til sé tölvupóstur sem er eins og þess háttar sending, þá er langt frá því að allur tölvupóstur sé svoleiðis.

Athugasemdir

[Eyþór Árnason, 17.4.2008 kl. 23:56]

Aldrei myndi ég senda draug á þig frændi sæll. Kveðja norður.

[Ingólfur Ásgeir Jóhannesson, 18.4.2008 kl. 17:57]

Auðvitað ekki. Ættum við ekki einhvern tíma með vorinu að fá okkur kaffibolla eða eitthvað annað saman? Ég verð öðru hverju í Rvík í vor og sumar og hef upp á þér.

[Eyþór Árnason, 20.4.2008 kl. 23:27]

Endilega. Ég verð að vísu erfiður viðfangs næstu vikurnar en við finnum tíma.