Jökulsárnar í Skagafirði

SUNN, Samtök um náttúruvernd á Norðurlandi, hafa ályktað til stuðnings tillögu til þingsályktunar um friðlýsingu Austari- og Vestari-Jökulsár í Skagafirði, sem liggur nú fyrir Alþingi. Í ályktun frá SUNN segir: "Austari- og Vestari-Jökulsá í Skagafirði renna frá Hofsjökli. Þær hafa markað sér sérstöðu, sem eitt besta svæði til fljótasiglinga í Evrópu og þar hefur byggst upp umtalsverð atvinnustarfsemi þar sem afl jökulánna og umhverfi er nýtt með sjálfbærum hætti. Stjórn SUNN telur eðlilegt að friða svæðið og stjórna því á þann hátt að landslag, náttúrufar og menningarminjar séu varðveitt, ásamt því að það verði notað til útivistar, ferðaþjónustu og hefðbundinna landbúnaðarnytja."

Athugasemdir

[Lára Hanna Einarsdóttir, 28.2.2008 kl. 00:39]

Heyr, heyr! Tek heilshugar undir þessa ályktun og vona innilega að þetta gangi eftir.

[Árni Gunnarsson, 28.2.2008 kl. 14:23]

Það er mikið í húfi að þessi tillaga verði samþykkt.

Ég reyni að vera bjartsýnn en þrýstingurinn er mikill og þó ótrúlegt sé þá er hann ekki síst frá heimamönnum.

[Ingólfur Ásgeir Jóhannesson, 28.2.2008 kl. 21:54]

Takk fyrir innlitið og samstöðuna, Lára Hanna og Árni. Svo er ástæða til að tengja þetta við Guðlaugstungur í Húnavatnssýslu og við Þjórsárver og fara að marka heildarstefnu um þjóðgarð á mið- og vesturhluta hálendisins.