Lykilatriði skólastarfs eða óþægilegir aðskotahlutir?

Þannig hljómar undirfyrirsögn greinar minnar í Netlu sem ber yfirskriftina Fjölmenning og sjálfbær þróun - og það er einmitt spurt hvort fjölmenning og menntun til sjálfbærrar þróunar ættu ekki að vera þungamiðja skólastarfsins. Í útdrætti segir m.a.: "Í greininni er fjallað um tvo samfaglega (cross-curricular) málaflokka sem eru tiltölulega nýir af nálinni í íslensku samfélagi og skólakerfi, fjölmenningu og menntun til sjálfbærrar þróunar ... Markmið greinarinnar eru að skoða hvernig málaflokkarnir fjölmenning og sjálfbær þróun eru meðhöndlaðir í stefnu ríkis og sveitarfélaga, hjálpa til við að „smala“ saman efni úr stefnumótandi skjölum til að gera kennurum betur kleift að fylgjast með þróun í málaflokkunum og loks marka stefnu með því að tengja málin tvö með hugtökunum alheimsvitund og geta til aðgerða. Greinin er byggð á athugun á stefnuskjölum ríkis og fimm fjölmennustu sveitarfélaga landsins. Helstu niðurstöður og ályktanir eru þær að í umfjöllun stefnuskjalanna er tilhneiging til þess að sveigja hjá pólitískum og viðkvæmum málefnum, að gera þurfi fjölmenningu og menntun til sjálfbærrar þróunar að þungamiðju skólakerfisins og að móta þurfi róttæka stefnu, bæði um inntak og í kennslufræðum, til að takast á við pólitísk og viðkvæm málefni.

Athugasemdir

[Gísli Baldvinsson 30.1.2008 kl. 18:26]

Geri þessu skil í Skóla-Akri kæri vin

[Bjarni Kjartansson, 31.1.2008 kl. 09:41]

,,Helstu niðurstöður og ályktanir eru þær að í umfjöllun stefnuskjalanna er tilhneiging til þess að sveigja hjá pólitískum og viðkvæmum málefnum, að gera þurfi fjölmenningu og menntun til sjálfbærrar þróunar að þungamiðju skólakerfisins og að móta þurfi róttæka stefnu, bæði um inntak og í kennslufræðum, til að takast á við pólitísk og viðkvæm málefni"

Það breytist afar fátt í ályktunum um skólamál.

Bla bla í öndvegi.

Grunnskólastarf á að snúast um, að uppfylla þá skyldu, að aðstoða nemendur við nám og að öðlast færni til að takast á við áframhaldandi nám. 

Kenna börnunum fræðin, halda fast við menningararfinn og halda uppi vinnufriði í skólastofunni.  Þannig fá nemendur frið til að tileinka sér efnið, sem Kennararnir eru að miðla.

Allt þetta bull, sem náði ákveðnum hæðum í kringum  ,,samþættingaruglið" sem varð móðins meðal ,,Skólamanna" um 1979. 

Þið eru enn við sama heygarðshornið, spekulerandi í hlutum, sem kemur ekkert náminu við.

Ekkert nema von,  að mjög hefur hrakað rikt íslenskra námsmanna og aðgangur að virtum háskólum, sem áður var heimill öllum Stúdentum okkar, er nú háður inntökuprófum.

Miðbæjaríhaldið

he, he.

[Anna Karlsdóttir, 31.1.2008 kl. 09:45]

Sæll Ingólfur

Þetta er snúinn málaflokkur en verðugur viðfangs. Ég ætla að skoða greinina þína betur. 

[Ingólfur Ásgeir Jóhannesson, 31.1.2008 kl. 13:36]

Takk fyrir innlitið, Gísli og Anna, já og líka þú, Bjarni miðbæjaríhald: það er nú gaman að sjá að þú hlærð að sjálfum þér þegar þú dæmir ályktanir mínar sem bla bla.