Merkir þetta 111 milljarða SKULD?

Merkir "neikvætt eigið fé" skuld? Eða hvað? Mörg eru orðin sem ég skil ekki þegar talað er um fjármál. Eitt er skuldabréfavafningar - það minnir mig svolítið á vafnar sígrettur, og eru þeir eflaust viðlíka hættulegir á annan máta.

Eigið fé Stoða neikvætt um 111 milljarða króna

Athugasemdir

[Hallgrímur Egilsson, 23.1.2009 kl. 09:08]

Nei þetta merkir að skuldir umfram eignir eru 111 milljarðar

[Ingólfur Ásgeir Jóhannesson, 23.1.2009 kl. 09:21]

Takk, Hallgrímur: Sem merkir þá að Stoðir skulda miklu meira, en hvað eiga Stoðir? Áttu ekki Stoðir Glitni að talsvert miklu leyti?

[Hallgrímur Egilsson, 23.1.2009 kl. 09:27]

Jú, og eiga TM að mestu leiti... Síðan áttu þeir Sterling... og seldu og áttu og seldu og áttu...

[Bjarni G. P. Hjarðar, 23.1.2009 kl. 20:02]

Þetta merkir að ef Stoðir eru gerðar upp myndu eigendur þeirra skulda 111 milljarða. Harðasta eftirgengni er að krefjast gjaldþrotaskipta og svo virðist sem helstu kröfuhafar sjái sér hag í að fresta því.

[Ingólfur Ásgeir Jóhannesson, 24.1.2009 kl. 09:39]

Takk fyrir innlitið og athugasemdirnar, Hallgrímur og Bjarni. Gaman að sjá þig á blogginu, Bjarni!

[Elva Guðmundsdóttir, 25.1.2009 kl. 15:05]

Mér dettur nú alltaf í hug Múmíur þegar talað er um þessa skuldabréfavafninga en ég er auðvitað skemmd erftir lestur of margra ævintýrabóka og of mörg hlutverkaspilakvöld

Þetta Stoðamál er samt langt fram úr öllu sem þessir ævintýrahöfundar hafa nokkrum sinnum dottið í hug að skálda upp.

Kveðja úr Flórída

[Elva Guðmundsdóttir, 25.1.2009 kl. 15:07]

nokkurn tíma auðvitað ekki nokkrum sinnum. Er eitthvað riðguð á þessum sunnudagsmorgni

[Ingólfur Ásgeir Jóhannesson, 25.1.2009 kl. 20:34]

Takk fyrir innlitið, Elva - mér finnst þetta sniðugt með skuldabréfavakningana