Rollufordómar

Ég vil benda áhugafólki um fordómafullan málflutning, það er þeim sem hafa gaman af stóryrðum og gengdarlausum fordómum í garð dýra eða manna, á grein eftir Margréti Jónsdóttur eftirlaunaþega í Morgunblaðinu í dag. Þetta er alger gimsteinn á þessu sviði. Höfundi verður tíðrætt um rollur og rollukjöt, í stað þess að nota hin algengari og kurteislegri orð eins og sauðfé og kindur, eða lambakjöt þegar hún á við það, sem er meginhluti framleiðslunnar og útflutningsins, enda fá bændur lítið fyrir ærkjötið, þótt það sé stundum betra kjöt. Ég bið um kurteisi í garð sauðfjárins, því að einu skiptin sem talað er um rollur í minni sveit eru það túnrollur, beinlínis til að niðra óþekkt sauðfé. Enda orðið túnær ekki til. Og sennilega kann Margrét að beygja orðið ær því ég sé í greininni að hún kann að beygja orðið kýr.

Athugasemdir

[Erla Magna Alexandersdóttir, 2.8.2011 kl. 21:01]

SÆLL  !

 Rollur og túnfe var eithvað sem var til áður en þú fæddist vinur !  heldur þú að eldra fólk se allt geðbilað ????

[Ingólfur Ásgeir Jóhannesson, 2.8.2011 kl. 21:10]

Erla, ég held ekki að "eldra fólk sé allt geðbilað". Og hvernig dettur þér í hug að spyrja þess háttar spurningar? Gerir þú kannski ekki greinarmun á fordómum og "geðbilun" (hvað svo sem geðbilun er akkúrat er).

[Vilhjálmur Stefánsson, 2.8.2011 kl. 21:32]

Íngólfur...Ekki veit ég í hvaða Sveit þú ert uppalinn, það var talað um Rollur hvot sem þær voru í Túni eða á Fjalli í minni svet..        . Rollu kjöt er með afbrygðum gott í Reyk og ekki er það verra þótt Rollan væri áttavetra. Nafnið Rolla er ekki niðrandi orð....

[Ingólfur Ásgeir Jóhannesson, 2.8.2011 kl. 21:48]

Mín sveit er Mývatnssveit, Vilhjálmur, og ærkjöt skal það heita.

[Einar Guðjónsson, 3.8.2011 kl. 01:16]

Skv. fréttum nýlega mun víst ærkjötið vera gimsteina virði og hefur hækkað mikið.

[Einar Guðjónsson, 3.8.2011 kl. 01:18]

P.s. vonandi kemst Orðabók Háskólans yfir að lesa bloggið þitt.