Atli Gíslason og baráttan gegn eyðileggingu náttúrunnar

Ég vona að þeir vinstri grænir sem hvetja Atla Gíslason til að víkja af þingi muni halda uppi ótrauðir baráttu gegn virkjunum sem myndu skemma náttúru Suðurlands og Reykjanesskagans. Atli hefur fullt umboð mitt til að standa í þeirri baráttu. Fáir stjórnmálamenn hafa staðið sig betur en Atli í þessum málaflokki. Að hinum ólöstuðum.

Ég er samt ekki ánægður með þá framgöngu að Atla að segja sig úr þingflokknum. Nú er fyrir okkar ágæta þingflokk að standa sig í náttúruverndarmálum. Ég vona að Atli og þingflokkurinn geti unnið saman í þeim málaflokki.

Athugasemdir

[Sigurður Haraldsson 22.3.2011 kl. 12:56]

Hvernig á að vera hægt að vinna í þingflokki og  með foringja sem svíkur allt sem hann hefur lofað.

Úrsögn var eina leiðin sem fær var og vonandi að fleirri fylgi fordæmi þeirra skötuhjúa og láti þá kvíslinga Steingrím J. og Björn Val eina um að svíkja og pretta hugsjónir vinstrimanna á Íslandi.

[Lísa Björk Ingólfsdóttir, 22.3.2011 kl. 22:58]

VG tók við Þránni Bertelssyni fagnandi úr stjórnarandstöðunni og ættu því að hafa sig algjörlega hæga í þessu máli. Þvílíkur tvískinnungur. Ef þetta er flokksandinn þá má kalla hann skítlegt eðli.

[Ingólfur Ásgeir Jóhannesson, 23.3.2011 kl. 07:31]

Forysta VG hefur þó ekkert sagt um þetta. Reyndar lögðu félagar Þráins í Borgarahreyfingunni þann þingflokk niður og bjuggu til nýjan þingflokk, Hreyfinguna.