Ísland úr NATÓ - Magma á braut

Jónas Kristjánsson heldur því fram að ríkisstjórnin geti hafnað Magma-samningi á þeirri forsendu, að Ross Beaty sé „lélegur pappír. Reki mannfjandsamlegan námurekstur í Suður-Ameríku. Eða á þeirri forsendu, að kjörin séu rugl. Mest sé lánað út í hönd með kúluláni á lágum vöxtum með veði í bréfunum sjálfum. Eða á þeirri forsendu, að skúffa í Svíþjóð sé ekki traust heimilisfang.“ Og hann bendir líka á að „Ross Beaty og skúffan í Svíþjóð hafi enga þekkingu á jarðhita.“ Hann afþakkar „sjónhverfingar“ og „lukkuriddara“. Burtu með einkaeign á auðlindum, alveg sama þótt það sé kallað "nýtingarréttur".

Rifti samningum við Magma

Athugasemdir

[Hákon Jóhannesson 25.7.2010 kl. 17:22]

Í ljósi þess hvaða niðurstöðu Stjórnvöld, félagar fjórflokksins, fengu í skýrslu RNA þá spyr ég hvort ég TREYSTI þeim eða telji þá FAGLEGA hæfa að leggja mat á það fyrir mig hvort ÉG eigi að vera í þessu bandalagi stríðsböðlanna - þá er svarið alveg skýrt: NEI.

Krafa mín sem borgara er því: Þjóðaratkæðagreiðsla um aðildina nú þegar og þá sjáum við hvar málin standa !

[Ómar Harðarson 25.7.2010 kl. 17:25]

Sæll Ingólfur.

Ég skil þetta ekki alveg. Einkavæðing HS Orku fór fram 2007. 2008 voru sett ný lög, sem ma. kváðu á um nýtingarrétt og hversu langur hann mátti vera. Í málamiðlun Samfylkingar og Sjálfstæðisflokks var hann settur sem 65 ár. Af hverju hafa Sf og Vg ekki komist að viðlíka málamiðlun (einhvers staðar á bilinu 30-45 ár)? Nægur tími hefur verið til stefnu. Þá hefði vel hægt verið að setja fyrir lögaðilalekann eftir 10% söluna til Magma, þannig að ljóst væri að lögaðili þyrfti að hafa starfsemi á EES svæðin, en ekki væri átt við skúffufyrirtæki.

Eina leiðin til að skilja það upphlaup sem nú er í gúrkutíðinni er að Vg er að skapa sér vígstöðu til að ná fram tilteknum breytingum á orkulögunum. Mér finnst það hins vegar fremur sóðaleg aðferð og getur komið í bakið á ykkur. Hún dregur amk. í heild sinni úr trúverðugleika ríkisstjórnarinnar, því ljóst er að ríkið hefur alls ekki efni á að snúa við stefnunni í HS Orku, jafnvel þótt hægt verði að verja orkuiðnaðinn í heild fyrir útlendingum og kapitalistum með breytingum á lögum. Að vísu er líka hægt að túlka upphlaupið sem svo að Vg sé að búa til Svartapétur fyrir Samfylkinguna til að sitja uppi með eftir stjórnarslit, en ég trúi því tæplega fyrr en á reynir.

[Kristján Loftur Bjarnason 25.7.2010 kl. 17:48]

FJÓRFLOKKS KERFIÐ VERÐUR AÐ VÍKJA FYRIR LÝÐRÆÐINU. Þögul mótmæli er sama sem og ekkert lýðræði.

[Ingólfur Ásgeir Jóhannesson, 25.7.2010 kl. 21:31]

Þakka ykkur fyrir ábendingar, Hákon, Ómar og Kristján. Ég er ekki viss um að málið sé svo einfalt að hægt hefði verið að sjá þetta allt saman fyrir og setja fyrir alla lekana, því að brotavilji Árna og kó í Reykjanesbæ er einbeittur og að því er virðist Samfóráðherranna. Eða hvað? Eru þeir kannski líka handbendi? - Ég held að þeir hafi ekki nógu mikinn áhuga í málinu, en þetta er stórt mál og má alveg brjóta á því fremur en mörgum öðrum málum. Má a.m.k. ekki gefast upp í því.

[Sigurður Haraldsson, 26.7.2010 kl. 23:34]

Ég gefst aldrei upp!