Skemmtilegur borgarstjóri?

Ég sá áðan tvo karlmenn í Sjónvarpinu sem höfðu nýverið skipt með sér valdastöðum í borgarstjórn og þann þriðja sem reyndi að fá þá til að viðurkenna það. Mér fannst þetta líkjast gamalkunnugu ferli frá þeim árum er Davíð og Halldór skiptu með sér völdum á fjögurra ára fresti.

Jón Gnarr segist verða skemmtilegur borgarstjóri - en hann þarf þá að verða dálítið skemmtilegri en hann var í viðtalinu og verulega mikið ólíkur því sem hann er sem skemmtikraftur. Vonin um að hann verði góður borgarstjóri felst þó í því að hann verði betri stjórnmálamaður en grínisti.

Ég las í úttekt DV að hann skynjaði mjög vel hvort fólk væri að segja honum satt eða ljúga. Þetta verður að viðurkennast að er heppilegur eiginleiki fyrir mann sem tekur fram í viðtölum að hann þurfi að kynna sér málin.

Jón Gnarr verður borgarstjóri

Athugasemdir

[Kalli Sveinss 4.6.2010 kl. 21:27]

Góði Ingólfur !

 Tuttugu þúsund sex hundruð sextíu og sex Reykvíkingar, létu trúðinn Jón Gunnar Kristrinsson, hafa sig að fíflum !

 Drengur sem vart kann móðurmálið, hvað þá tungur nágrannaþjóðanna !

 Séru þennan trúð fyrir þér sem fulltrúa Reykvíkinga ( já & Íslendinga) á fundum og ráðstefnum, heima og erlendis.

 Íslendingar verða hafðir að athlægi um víða veröld. Og Dagur varaformaður Samfylkingarinnar ætlar að draga spaugara - trúðinn - í borgarstjórastólinn !

 Áður var sagt.: " Guð blessi Ísland"

 Bætum við.: " Og sérí lagi Reykvíkinga !!

[CrazyGuy 4.6.2010 kl. 22:36]

Jón Gnarr verður aldrei "stjórnmálamaður"................

[CrazyGuy 4.6.2010 kl. 22:37]

.....Og Það er góður hlutur....

[Flosi Kristjánsson, 5.6.2010 kl. 18:29]

Síðuritari segir: "Ég sá áðan tvo karlmenn ..." 

Ekki getur maðurinn átt við forystumenn samstarfsflokkanna í borgarstjórn. Karlmaður er allt of jákvætt orð til að nota um þá tvo!