"Aðferðafræði"

Stefán Eiríksson lögreglustjóri tönnlaðist á því í sjónvarpsviðtali áðan að lögreglan beitti "aðferðafræði" - en ég hélt nú reyndar að aðferðafræði væri fræði um aðferðir. Einn mótmælenda lýsti í Sjónvarpinu að hann hefði þurft að sitja handjárnaður aftan við bak í klofinu á stelpu og hún í klofinu á annarri manneskju í bílakjallara Alþingishússins. Þetta eru að sjálfsögðu merkileg fræði og örugglega hægt að skrifa um það aðferðafræðigreinar. En Geir Haarde ætlar bara að þegja! Það er þá hans "aðferðafræði".

„Fólk var að bíða eftir þessum degi“

Athugasemdir

[Sigurður Þór Guðjónsson, 20.1.2009 kl. 20:55]

Lögreglustjórinn réttlætti þessi klofbrögð og sagði að farið væri að reglum. En þetta er augljóslega gert til að lítillækka mótmælendur og brjóta þá niður.

[Þórhildur Helga Þorleifsdóttir, 20.1.2009 kl. 21:27]

Já og aldeilis fínt að nota það á ólögráða ungmenni !!  eða hvað....

[Halla Rut , 20.1.2009 kl. 23:54]

Einmitt...það er örugglega í alþjóðlegum vinnubrögðum lögreglu að handjárna menn og setja hendur þeirra í skaut stúlkna sem geta ekki borið hendur fyrir sig. Mjög faglegt hjá þeim og góð AÐFERÐAFRÆÐI.

Já, þetta eru miklir fræðingar er stjórna þessu landi okkar.

Góð pæling hjá þér.

[Björgvin R. Leifsson, 21.1.2009 kl. 00:04]

Minnir dálítið á kynferðislegar tilraunir nasista á fórnarlömbum sinum.

[Anna Karlsdóttir, 21.1.2009 kl. 00:11]

Já satt segir þú þetta eru sannarlega merkileg fræði!

[Ingólfur Ásgeir Jóhannesson, 21.1.2009 kl. 06:55]

Takk fyrir innlitið, Sigurður Þór, Þórhildur, Halla Rut, Björgvin og Anna