Steep & Brew

Sit á einu af uppáhaldskaffihúsunum mínum, Steep & Brew á State Street í Madison, Wisconsin, á leið yfir í kennaradeildina, um tíu mín. gang héðan þar sem ég mun sitja við vinnu í dag í rannsóknarmisseri mínu. Ég hef nú verið í Bandaríkjunum í rúmar tvær vikur og fylgst með kosningabaráttunni. Út um alla borg eru Obama-Biden skilti fyrir framan húsin og í gluggum þeirra. Og í mörgum verslunum er lýst yfir stuðningi við þá félaga. Hið sama gilti um úthverfi Cleveland, Shaker Heights og Cleveland Heights, þar sem ég dvaldi í síðustu viku, en þó ekki jafnsamfelldur stuðningur og hér og fleiri McCain-Palin skilti þegar lengra dró frá miðborginni.

McCain sakar Obama um vanhæfni

Athugasemdir

[Húnbogi Valsson 31.10.2008 kl. 07:51]

Já blessaður, aftur kominn til Madison.

[Eyþór Árnason, 3.11.2008 kl. 21:55]

Gangi þér vel að kjósa! Og kjóstu rétt! Kveðja Westur...

[Ingólfur Ásgeir Jóhannesson, 4.11.2008 kl. 02:29]

Þakka ykkur innlitið, piltar góðir, Húnbogi og Eyþór. Það þarf nú að fara að kjósa fljótlega aftur á Íslandi og gefa íhaldinu langt, langt frí -og þá skal ég kjósa rétt.

Til viðbótar því sem að ofan segir er ég búinn að sjá núna þó nokkra límmiða með Nader-Gonzales. Nader er hinn þekkti neytendaleiðtogi, en ég veit ekki fyrir hvað flokk hann býður sig fram núna; ég held hann hafi boðið sig fram fyrir græningja árið 2000.

[Sigurjón Benediktsson, 5.11.2008 kl. 07:16]

Haltu þig bara á Madison eitthvað. Hvílik hræsni! Hver borgar þér laun fyrir skemmtilegheitin? Þrælarnir heima?

Vonandi er millifærslan í góðu lagi frá Íslandi til þín. Fjallagrasasalan skilar ekki nægum dollurum fyrir þig, líklega þarf að klóra í greiðslur fraálfyirtækjunum

Að lesa bloggið eftir umhvefismafíuna er stórkostleg kennslustund í hroka og heimsku.

[Ingólfur Ásgeir Jóhannesson, 5.11.2008 kl. 12:30]

Þakka þér, Sigurjón, góðar óskir um millifærslu fjármuna.