Fann enga rafræna mynd af Mývatni ...

... sem er stóra vatnið sem ég spurði um, en á vef Skútustaðahrepps eru fjölmargar fallegar hausmyndir og reyndar fleiri ef flett er síðunni.

P.S. 24. nóvember: Kjartan Pétur sendi mér svo slóð af mynd þar sem vel sést afstaða Stakhólstjarnar og Mývatns. Takk

Athugasemdir

[Kjartan Pétur Sigurðsson, 23.11.2007 kl. 21:32]

Hér er ein panorama mynd frá Skútustöðum

http://www.photo.is/skoli/halendi/pages/Myvatn.html

[Kjartan Pétur Sigurðsson, 24.11.2007 kl. 10:41]

Siggi Sig. félagi minn er tengdur fólkinu í Garði og ég gaf honum þessa panorama mynd af svæðinu. Ég held að hún hangi núna uppi í félagsheimilinu þarna á staðnum.

[Anna Karlsdóttir, 25.11.2007 kl. 00:51]

Mig minnir endilega að myndirnar á konfektkössunum í gamla daga af mývatni hafi verið teknar frá Kálfaströnd. Þar var afi minn fæddur og ég vissi bara það....var það ekki örugglega Mývatn?

[Ingólfur Ásgeir Jóhannesson, 25.11.2007 kl. 09:37]

Kálfastrandarvogarnir og kl eru eiginlega erkitýpan af Mývatnsmyndum

[Ingólfur Ásgeir Jóhannesson, 25.11.2007 kl. 12:26]

Ég sé að svarið til þín, Anna, vistaðist bara að litlum hluta: Kálfastrandarvogar og klettarnir þar eru þessi sígilda mynd úr Mývatnssveit, en það var líklega eftir að Rófurnar heima á Skútustöðum voru friðlýstar upp úr 1970 (1973 eða 1974 minnir mig) sem póstkort með mynd af þeim og Stakhólstjörn með urðu líka mikið útbreidd (Náttúruverndarráð uppnefndi þær Skútustaðagíga), það fyrsta líklega með mynd frá 1969. Svo ætlaði ég að spyrja þig út í ættfræðina ...

[Anna Karlsdóttir, 26.11.2007 kl. 23:34]

Ég er víst ekki svo vel að mér í ættfræði. Afi minn hét Hólmsteinn Helgason, og foreldrar hans, Arndís og Helgi voru vinnufólk á Kálfaströnd. Hann var fæddur í torfbænum eins og almennt var í þá daga. Þau fluttu síðar og bjuggu í Ársseli á Langanesi. - Hvað varðar Skútustaðagíga man ég að æskuvinur minn Orri Vé(steinsson) sagði mér eitt sinn að það væru gervigígar. Ég man að mér fannst þetta mjög merkilegt, hafði aldrei heyrt um fyrirbærið áður.

[Ingólfur Ásgeir Jóhannesson, 27.11.2007 kl. 06:07]

Og skv. því ætti frekar að tala um Skútustaðagervigíga en Skútustaðagíga. Þetta er stórmerkileg náttúrufyrirbrigði að alast upp innan um og á unglingsárum þurfti að laga sig töluvert að ferðafólkinu og ætla því gönguleið yfir tún.

[Anna Karlsdóttir, 29.11.2007 kl. 10:11]

Ég trúi því!