Hlífið landinu við gegndarlausum virkjunum í þágu álvera

Í tilefni af beiðni Útskálaklerks um álver í Jesúnafni bið ég ráðamenn landsins um að gera allt sem þeir geta til að hlífa landinu fyrir áframhaldandi gegndarlausum virkjunum handa álverum. Þetta segi ég í eigin nafni - en ég get samt alveg ímyndað mér að John Lennon, sem einu stuðaði heimsbyggðina með því að segja að Bítlarnir væru þekktari en Jesú Kristur, hefði stutt þessa kröfu mína; og ég veit fyrir víst annað tónlistarlegt átrúnaðargoð mitt, Björk Guðmundsdóttir, hefur sett fram sambærilega kröfu.

« Síðasta færsla | Næsta færsla »

Athugasemdir

1 Smámynd: Árni Gunnarsson

Biðjum allar góðar vættir að bjarga þessu landi frá Útskálaklerkum stóriðjusinna í öllum okkar kirkjum.

Árni Gunnarsson, 12.10.2010 kl. 21:33

2 Smámynd: Rauða Ljónið

Landsvirkjun afhjúpar ósannindi Andra Snæ Mássonar um afkomu LV orkugeirans og Álsgeirans.

Íslendingar geta átt allar virkjanir skuldlausar eftir áratug.

Tekjur Landsvirkjunar af raforkusölu duga til að greiða upp allar skuldir fyrirtækisins á næstu tíu . Eftir það gæti Landsvirkjun að óbreyttu greitt eiganda sínum 25 milljarða króna í arð á ári.



Raforkusalan er að skila 25 milljörðum króna á ári í handbært fé. 20 milljarðar af þeim fara á þessu ári til að greiða niður erlend lán fyrirtækisins, að sögn Harðar. Með sama áframhaldi mun Landsvirkjun eiga allar sínar virkjanir skuldlausar, þar á meðal hina umdeildu Kárahnjúkavirkjun, eftir tíu til tólf ár.

Rekstur Kárahnjúkavirkjunar  hefur gengið mjög vel og það sé að hjálpa mjög mikið.

"Það er ljóst að hækkandi álverð og lágir vextir hafa hjálpað fyrirtækinu að ráða við þessa stöðu.

Eigið fé Landsvirkjunar nálgast nú tvöhundruð milljarða króna, en þó má telja verðmætið mun meira því vatnsaflsvirkjanir eru í bókhaldinu afskrifaðar á 60 árum. Líftími virkjananna sé hins vegar mun lengri, og þær geti starfað í 100 ár og þess vegna umtalsvert lengur.

Rauða Ljónið, 12.10.2010 kl. 21:52

3 Smámynd: Árni Gunnarsson

Reiknikúnstir Landsvirkjunar hafa hvergi verið úrskurðaðar hin eina og sanna niðurstaða. Til dæmis um nákvæmnina má nefna það að hvergi er gert ráð fyrir að þau umhverfisspjöll sem stafa af virkjunum séu nokkurs virði.

Þessi virkjanagræðgi er beinlínis stórhættuleg fyrir ajmenna skynsemi þjóðarinnar. Það er auðvitað ekki boðlegt að spyrja þig Sigurjón:

Á hverju á íslenska þjóðin að lifa þegar búið verður að virkja allt sem virkjanlegt er?

Áhverju eiga þau byggarlög að lifa sem ekki eiga aðgang að  vatns- eða hitaorku?

Á hverju lifa þær þjóðir sem ekki hafa orkulindir til að virkja? 

Hefur þér dottið í hug að nefna aukna atvinnu án þess að nefna álver eða annan orkufrekan iðnað samtímis?

Árni Gunnarsson, 13.10.2010 kl. 09:34

4 Smámynd: Aðalsteinn Agnarsson

Fátæk þjóð, á frjálsar handfæraveiðar!!!

1.000.000.Kr!!! Hvar getur venjulegt fólk haft þetta kaup,

á einum degi ?  Jú, litlum handfæra bát.(ca.3.tonna afli).

Fáið þið Jóhönnu til að standa við orð sín,

frjálsar handfæra veiðar!!!

Er þetta ekki hollara líf, fyrir almenning, en að vera lokaður

inni í Álbræðslu alla sína æfi ?

Aðalsteinn Agnarsson, 13.10.2010 kl. 11:24

5 Smámynd: Guðjón Sigþór Jensson

Nú veit eg ekki hvernig klerkurinn komst að orði en fremur virðist þetta vera til þess fallið að vera fremur barnalegt hjá honum.

Klerkar hafa oft verið pólitískir og oft verið hallir undir hægri stefnu í stjórnmálum á misjafnan hátt. Sumum tekst hins vegar afburðvel eins og sr. Gunnari Kristjánssyni prófasti á Reynivöllum að meitla hugsanir sínar á sannfærandi hátt og án þess að skilja eftir viðkvæm sár. Má þar t.d. nefna nokkrar greinar sem hann ritaði í Morgunblaðið þar sem hann var með efasemdir um að rétt væri að ráðast á náttúru landsins á jafnafdrifaríkan hátt og þar gerðist.

Núna er verið að undirbúa að eyðileggja einn af mestu huldunáttúrudjásnum landsins: Dynk í Þjórsá. Hann verður endanlega dauðadæmdur þegar Búðahálsvirkjun verður að veruleika.

Á umhverfisþingi VG í Borgarnesi s.l. laugardag kom mér á óvart hve fáir vita um foss þennan. Kannski að okkur Íslendinjgum er kannski vorkunn því aðgengi að fossinum er erfitt og hefur Landsvirkjun passað vel upp á að sem fæstir álpist þangað enda enginn vegur þangað boðlegur venjulegum ökutækjum.

Eigum við ekki að leggjast á eitt að bjarga það sem eftir er af þessum fossi? Ekki seinna en nú.

Mosi

Guðjón Sigþór Jensson, 13.10.2010 kl. 14:17

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband