En ég fagna höfnun rannsóknarleyfa

Ég fagna því að Össur Skarphéðinsson skuli hafa hafnað ótal umsóknum um rannsóknarleyfi vegna virkjana á háhitasvæðum, sem Framsóknarflokkurinn afgreiddi ekki tveimur dögum fyrir kosningar eins og umsókn um Gjástykki í Þingeyjarsýslu - sem ég vona að Össur kanni rækilega hvort sé unnt að afturkalla vegna kringumstæðnanna.

Mér fannst vænt um að Össur lagði áherslu á að hann væri fv. umhverfisráðherra í útvarpsviðtali í gærmorgun - og sagði meiningu sína um Ríó Tintó. Kannski honum hugnist að iðnaðarráðuneytið verði aðstoð við umhverfisráðuneytið og hann aðstoðarumhverfisráðherra, þvert ofan í það þegar umhverfisráðherra hagaði sér eins og aðstoðarráðherra við iðnaðarráðuneytið, einkum á næstsíðasta kjörtímabili þegar mati Skipulagsstofnunar gagnvart Kárahnjúkavirkjun var snúið við og hún heimiluð.

Athugasemdir

[Anna Karlsdóttir, 15.7.2007 kl. 10:19]

Ég er sammála þér, það er góð þróun ef að iðnaðarráðuneytið byrjar að starfa með hagsmuni umhverfismála að leiðarljósi (þó það sé alltaf spurning með valdahlutföllin milli ráðuneyta) - hingað til hefur iðnaðarráðuneytið verið þungavigtarráðuneyti og umhverfisráðuneytið svolítið sýndarráðuneyti. Ok, ég veit að þetta er ósvífin fullyrðing...en það er löngu komin tími til að það yrði smá umpólun í þessum málum

[Ólafur Örn Pálmarsson 15.7.2007 kl. 13:18]

Veistu á hvaða stöðum voru gefin út rannsóknarleyfi tveimur dögum fyrir kosningar? Sem betur fer hélt Framsóknarflokkurinn ekki völdum þar sem þeir höfðu haldið áfram stjórnlaust í álvæðingu landsins og boðið Rio Tinto upp í dans í Ölfusi.

[Ingólfur Ásgeir Jóhannesson, 15.7.2007 kl. 15:55]

Ég held að það hafi bara verið í Gjástykki

[svarta, 15.7.2007 kl. 18:30]

Kannski verður iðnaðarráðuneytið bara deild í umhverfisráðuneytinu í framtíðinni

[Edda Agnarsdóttir, 15.7.2007 kl. 21:33]

Ég hef verið að kíkja á viðbrögð fólks hér á blogginu við þessu viðtali við Össur (ég missti af því) og finnst fólk sem er í andstöðu við hans skoðanir ekki koma með neitt fram sem sannfærir mig annað en persónulegur stuðningur við Valgerði sem er út af fyrir sig, en þeir sem standa með hans viðhorfum eru líka dálítið á þessum nótum að standa með sínum manni og vona sem er heldur ekki slæmt. Hér er þetta sett fram þannig að hægt er að skilja hvað er á ferðinni og ýmislegt rifjast upp, samkvæmt því finnst mér ódýrt hvernig f.v. riðnaðarráðherra reynir að stíga á tær núverandi íðnaðarráðherra eftir allt sem á undan er gengið í umhverfismálabaráttunni.

[Valgerður Halldórsdóttir, 17.7.2007 kl. 12:52]

Sammála!

[Alma Lísa Jóhannsdóttir, 20.7.2007 kl. 11:00]

Ég fór að velta fyrir mér þegar ég las þessa frétt ... hefur hann gefið út einhver rannsóknarleyfi og þá hvar?

[Ingólfur Ásgeir Jóhannesson, 20.7.2007 kl. 17:35]

Ég hef ekki frétt til þess að Össur hafi gefið út nein slík leyfi; ég stend í þeirri meiningu að hann hafi einmitt stigið fyrsta skrefið í að standa við loforðið um að leyfi til rannsókna yrðu ekki veitt fyrr en vinnu við náttúruverndaráætlun lýkur.